Alegiko Gabonetako Pala txapelketan hernaniarrak ezin hobeto aritu ziren pasa den asteburuan. Enara Macicior eta Nagore Muruak lortu zuten garaipena. Finalean Ekhiñe Balerdi eta Ane Kerejeta taldekideak garaitu zituzten 25-22. Oso parekatua izan zen finala. Macicior eta Murua aurretik eroso hasi ziren, baina ondoren Balerdik eta Kerejetak tanto bateko aldea ere izan zuten. Hala ere, amaieran berriz ere Macicior eta Murua nagusitu ziren.