Gabonetako oporrak baliatuta, jarduera bat antolatu dute biharko Kanikako kideek. Ginkana bat prestatu dute herriko haurrekin «parte hartze espazioei» buruz hausnartzeko eta horiek ezagutzeko. Ibilbide bat osatuko dute Hernanitik zehar ibiltzeko, eta jolasak zein erronkak tartekatuko dituzte.
Ikasturte honetan 2010 eta 2017 urteen artean jaiotako haurrek eta nerabeek dute Kanikak antolatutako jardueretan parte hartzeko aukera. Ginkana arratsaldeko 16:30etan hasiko da Atsegindegin, eta bertan amaituko dute guztiek, arratsaldeko 19:30etan.
Jarduera honetan parte hartzeko ez da beharrezkoa aurretik izena ematea, baina antolatzaileek azaldu dute lagungarria dela abisatzea. Abisua kanika.aisia@gmail.com helbidera idatzita eman daiteke.