Gaur arratsaldean, 19:30etan, kontzertua eskainiko du Olatz Zugasti hernaniarrak Donostiako Victoria Eugenia Antzokian. 'Hitzño bat erran eta, banua berhala' diska aurkezteko baliatuko du gaurko emanaldia.
Kantu berriez gain, 30 urteko ibilbidean sortutakoak ere eskainiko ditu gaurko kontzertu berezian. Horretarako, ohi den modura, betiko musikariez inguratuta egongo da: Ander Ederra (gitarra), Amaiur Cajaraville (baxua), Ander Zulaika (bateria eta perkusioak), Gratxina Lertxundi (haizezko tresnak, ahotsa eta teklatua).