Gabonetako saxofoi kontzertua eskainiko dute gaur arratsaldean Hernaniko Musika Eskola Publikoko ikasleek, udaletxeko areto nagusian. 19:30etan hasiko da musika-saioa, Roberto Pacheco Garcia izango da zuzendaria, eta herriko 32 ikasle entzuteko aukera izango da: saxofoi sofranoekin, tenorrekin, baritonoekin eta altuekin.
Piotr Ilic Tchailkovskyren 'El Cascanueces' obra izango dute oinarrian, eta 'Selections from the Nutchascker Suite'-ren sei pieza joko dituzte: 'March', 'Spanish Dance - Chocolate', 'Russian Dance - Trépak', 'Dance of the Sugar Plum fairy', 'Dance of the Reed Flutes' eta 'Waltz of the Flowers'.
Aipaturiko piezez gain, tartea eskainiko zaie euskal gabon kanta herrikoiei ere: 'Gabeko Izar', Roberto Pachecoren moldaketekin, eta 'Oi Bethlehem' zein 'Hator hator', Pachecoren eta Tomas Aragüesen moldaketekin.