Eguraldiak lagunduta, giro ederra sortu zen atzo goizean Karabeleko Kros Herrikoiaren IX. edizioan. Ehun korrikalari inguruk hartu zuten parte lasterketa nagusian, eta ziztu bizian osatu zuten 8,2 kilometroko ibilbidea.
Karabel auzoa izan zen lasterketaren erdigunea, eta hiru aldiz igaro ziren bertatik, Oleta plazan kokatutako helmugara iritsi aurretik. Karabeletik abiatuta, Landare ingurura, Oialumera, Portura eta Zinkoeneara iritsi ziren korrikalariak. Azkenean, Ibai Alba hernaniarra izan zen azkarrena, iblbidea 24:24 denboran osatuta.
Lasterketa amaitutakoan jarraipena izan zuen festa giroak auzoan.
2006ko edizioari jarraipena
Belkara elkartearentzat berezia izan da aurtengo edizioa. Bederatzi aldiz antolatu dute Herri Krosa dagoeneko, baina duela 17 urte egin zuten azken aldiz, 2006 urtean. Jarduera garrantzitsua berreskuratzeko hautua egin dute aurten, eta antolatzaileak pozik geratu ziren lortutako emaitzarekin.
|
KARABELEKO HERRI KROSA BAILARAKO SAILKAPENA 1. Ibai Alba 24:24 |
