Aratz ikastolako, Elizatxoko, Urumeako eta Langileko familiek kalejira herrikoia antolatu dute abenduaren 24 goizerako. Lehenengo aldiz antolatu duten egitasmoa da, herriko haurrak elkarrekin harremantzea ahalbidetzeko.
Lau ibilbide izango ditu kalejirak: lehenengoa Atsegindegitik aterako da, bigarrena Bidebietatik, hirugarrena Karabeletik eta laugarrena Aratzetik. Eguerdiko 12:30etan Gudarien plazan elkartuko dira zutabe guztiak, ekitaldia bertan amaitzeko.