Bi txapeldun haundi elkartu ziren ostiralean Santa Barbaran, eta bi txapeldun haundirengandik espero zen saioa eskaini zuten. Erraz bezain zorrotz aritu ziren Maialen Lujanbio eta Andoni Egaña, eta gustura geratu ziren afarira bertaratutako 75 lagunak.
Bertso Latako egitarauaren barnean antolatutako afaria izan zen, eta jarduerek ostiralean izango dute jarraipena. Milagrosan egingo dute jaialdi nagusia, Unai Agirre, Unai Iturriaga, Jone Uria eta Nerea Ibarzabal bertsolariekin. Abenduaren 29an, berriz, 'Izena eta izana' bertso saio berezia izango da Kontrakantxan. Aurten Eli edo Iker izeneko lau bertsolarik abestuko dute: Eli Pagolak, Eli Zalduak, Iker Osak eta Iker Ormazabalek.
Bi saio horiez gain, urteroko errondak egingo dituzte abenduaren 24an eta 31n.