Neguko oporrak iristear dauden honetan, jarduera ugari antolatu dituzte Pakita Studion. Gaur arratsaldean, 18:00etan hasita, ipuin kontaketa izango da bertan. Parte hartzeko izena eman beharko da p.kitastudio@gmail.com helbidera idatzita.
Asteko jarduerak ez dira gaurkoarekin bukatuko. Bihartik aurrera Ania Sáenz de Buruagaren HARIAK erakusketa izango da ikusgai Pakita Studioan. Erakusketa Sarrionandiaren olerkian inspiratuta dago.
Sáenz de Buruagak honela azaltzen du bere lana: «Suposatzen da, bizitzan, korapilatzen gaituzten, edo geu korapilatzen garen, hariei/harremanei buruzkoa dela. Anbinbalentzia eta gatazka sortzen diguten harremanak, mina egiten digutenak, ondo egiten digutenak, behar ditugunak… Barruan, sakon-sakon, eta askotan, ulertzen ez ditugun, edo nik, behintzat, ulertu ez ditudan sentimenduak/harremanak saiatzen naiz irudikatzen».