Gaur bertan hasiko dira Bertso Latako jarduerak Hernanin. Herriko eskoletako ikasleei eskainitako saioa osatuko dute Ekain Tolaretxipi eta Lierni Rekondo bertsolariek, Biteriko aretoan.
Gaurkoarekin hasita, bost saio gehiago izango dira aurtengo Bertso Latan. Ostiral honetan bertan, iluntzeko 21:00etan, Maialen Lujanbiok eta Andoni Egañak abestuko dute Santa Barbara elkartean. Afarira joateko txartelak Tripontzin, Txilin eta Garinen eskuratu daitezke, 35 euroren truke.
Datorren astean jaialdi nagusia izango da Milagrosan, Unai Agirre, Unai Iturriaga, Jone Uria eta Nerea Ibarzabal bertsolariekin. Hilaren 29an, berriz, 'Izena eta izana' bertso saio berezia izango da Kontrakantxan.
BERTSO LATA HERNANI GAUR Umeen eguna. ABENDUAK 15 21:00 'Librean eta ez hain librean' bertso afaria, Santa Barbara elkartean. Andoni Egaña eta Maialen Lujanbio. Sarrerak Tripontzin, Txilin, Garinen edo hernanikobertsoeskola@gmail.com helbidean. ABENDUAK 22 19:00 Jaialdia, Milagrosan. Unai Agirre, Unai Iturriaga, Jone Uria eta Nerea Ibarzabal. Txartelak egunean bertan Milagrosan, saioa hasi baino ordubete lehenago. ABENDUAK 24 16:00 Olentzeroa, Iparragirre sagardotegitik hasita. ABENDUAK 29 19:00 'Izena eta izana' bertso saioa, Kontrakantxa Gaztetxean. Eli Pagola, Eli Zaldua, Iker Ormazabal eta Iker Osa. ABENDUAK 31 Urte zaharreko erronda. |