Urteroko legez, bertsolaritzarekin lotutako jarduera ugari antolatu ditu Hernaniko Bertso Eskolak, Bertso Lata ekimenaren barruan. Bertso afaria, jaialdia, saio bereziak... denetik izango du aurtengo egitarauak, eta bertsozale guztiek izango dute gozatzeko aukera.
Datorren asteazkenean izango da lehenengo ekintza. Umeei zuzendutako saioarekin hasiko da 2023ko Bertso Lata, eta urtea bukatu arte astero eskainiko dituzte saioak. Hilaren 15ean, esaterako, Maialen Lujanbiok eta Andoni Egañak Santa Barbara elkartean kantatuko dute, 'Librean eta ez hain librean' izenburupean prestatutako bertso afarian.
Aurtengo jaialdia abenduaren 22an izango da, Milagrosa aretoan; eta 'Izena eta izana' saio berezia ere mantendu dute.
|
BERTSO LATA HERNANI ABENDUAK 13 Umeen eguna. ABENDUAK 15 21:00 'Librean eta ez hain librean' bertso afaria, Santa Barbara elkartean. Andoni Egaña eta Maialen Lujanbio. Sarrerak Tripontzin, Txilin, Garinen edo hernanikobertsoeskola@gmail.com helbidean. ABENDUAK 22 19:00 Jaialdia, Milagrosan. Unai Agirre, Unai Iturriaga, Jone Uria eta Nerea Ibarzabal. Txartelak egunean bertan Milagrosan, saioa hasi baino ordubete lehenago. ABENDUAK 24 16:00 Olentzeroa, Iparragirre sagardotegitik hasita. ABENDUAK 29 19:00 'Izena eta izana' bertso saioa, Kontrakantxa Gaztetxean. Eli Pagola, Eli Zaldua, Iker Ormazabal eta Iker Osa. ABENDUAK 31 Urte zaharreko erronda. |