Abenduaren 23an, larunbata, arratsaldeko 20:00etan, Gabonetako ohiko kontzertua eskainiko du Hernaniko Musika Bandak, San Joan Batailatzearen parrokian.
Aurtengoa berezia izango da, Bandako musikariak Musika Eskolako gazteen abesbatza batekin batera arituko baitira. Guztira 130 musikari arituko dira, instrumentu jole eta ahots artean. Abesbatzako partaide gehienak oso gazteak izango dira 12-15 urte tartekoak, eta hauei laguntzeko Dakapo Musika eskolako abesbatzak ere parte hartuko du. Abesbatza honen partaideak 20 urte ingurukoak direlarik.
Kontzertu honekin Hernaniko Musika Bandak herriko beste hainbat musika talde baloratu nahi ditu, beraiekin lana uztartuz eta musika eskainiz.
Abenduaren 24an, Kaxkoan
Abenduaren 24an, Musika Banda herriko Kaxkoan barrena arituko da, arratsaldeko 20:00etan hasita, Olentzero abestia interpretatuz.