Hernaniko boleibol taldeek guztira zortzi garaipen eta hiru porrot jaso dituzte asteburuan. Senior neskek, berriro ere garaipena lortu zuten etxean, Aretxabaletako Arizmendi taldearen aurka. 3-1eko emaitzarekin amaitu zen partidua Hernaniren alde. Hirugarren eta laugarren jokoetan, etxeko taldeak ez zien aukerarik eman bisitariei: (25-20, 19-25, 25-11 eta 25-13).
Jubeniletan, mutilek ere garaipena lortu zuten Zarautzen, Aidean taldearen aurka eta 0-3eko garaipenarekin itzuli ziren hernaniarrak etxera. Jubeniletan, nesken bi taldeek emaitza ezberdinak lortu dituzte; batetik, Hernani 1 taldeak Ostadar taldea gainditu zuen 0-3ko emaitzarekin; eta bestetik, Hernani 2 taldeak ezin izan zuen gailendu; izan ere, 0-3 galdu zuen Ttantta Oarso taldearen aurka.
Kadeteetan, mutilek partidu gogorra eta luzea jokatu bazuten ere, Hernanik 3-2 garaitu zuen Ipar Tantak taldea. Nesketan, berriz, hirutik bi garaipen lortu zituzten: Hernani 1 taldeak 3-1 irabazi zion Mayumi Irun taldeari; Hernani 2 taldeak Hondarribiako Harresi 2 taldearen aurka 0-3 irabazi zuen; eta Hernani 3 taldeak etxean hartu zuen Aitzondo NKT taldea eta 0-3ko porrota jaso zuen etxeko taldeak.
Infantil mutilek, ezin izan zuten Hondarribiako Harresi taldea garaitu: 0-3 amaitu zen partidua, etxeko kantxan. Maila berean, neskek, emaitza onak lortu zituzten orokorrean. Hernani 1 taldeak Irungo Mayumi taldearen aurka irabazi zuen (2-3); eta Hernani 2 taldeak etxean jokatu zuen 3-1eko emaitzarekin, Oarso Gorria taldearen aurka.