Pasa den asteburuan, June Ruiz Fortuna taldeko tiratzaile hernaniarrak, hirugarren postua lortu zuen Madrilen burutu zen kadete mailako Espainiako zirkuitu esgrima frogan. Ruizek, zazpigarren postuen poulea igaro ondoren, lehenengo kanporaketa irabazi zuen, zortzirenetan eta final laurdenetan. Hala ere, finalerdietan Valeria Verderen aurka galdu zuen.
Asteburuko emaitzaren ondorioz, June Ruiz hernaniarra, kadete mailako Espainiako Esgrima Federazioaren rankingean 3garren postuan doa. Era berean, eskuratutako emaitzari esker, Espainiako Selekzioak Madrilen abenduaren 16an eta 17an jokatuko den Junior Mailako Munduko Kopan hartuko du parte.