Indartsu hasiko da aurtengo Bertso Lata, aste eta erdi barru, Hernaniko Bertso Eskolak antolatuta. Izan ere, puntako bertso afaria antolatu dute abenduaren 15erako, Santa Barbara elkartean: bi txapeldun haundi ariko dira bertsotan, Maialen Lujanbio hernaniarra eta Andoni Egaña zarauztarra, 20:30etan hasiko den afarian. 'Librean eta ez hain librean' jarri diote izenburua.
Bertso afarirako txartelak dagoeneko salgai daude, 35 euroan, herriko hiru tabernatan: Garinen, Txilin eta Tripontzin.