Euskeraren Eguneko ospakizunak borobiltzeko, bi zita izango dira gaur bailaran. Batetik, Astigarragan, gurasoei zuzendutako hitzaldia antolatu dute, 17:30etan Erriberan: 'Zer egin gure seme-alabek inguru euskaldunagoa izan dezaten'.
Hernanin, berriz, euskal abestien bingo musikatua antolatu du Doberak. Milagrosan izango da, 18:00etan hasita (ez 19:00etan, atzoko Kronikan argitaratu bezala). Euro baten truke jokatu daiteke, eta makina bat sari izango dira.