«Parte hartze polita eta giro ezin hobea», asteazkeneko Mintzodromoan

Kronika - Erredakzioa 2023ko abe. 2a, 00:00
Milagrosan elkartu ziren, azaroaren 29an.

120 bat lagun elkartu ziren Milagrosan «mingaina astindu eta euskeraz hitz eginez».

Azaroaren 29rako Mintzodromoa antolatu zuen Udal Euskaltegiak, eta lehen aldiz elkartu ziren Milagrosa eraikian. Estreinakoz egin bazuten ere, oso pozik agertu dira antolatzaileak: «mingaina astindu eta euskeraz hitz eginez, une atsegin bat pasa genuen». 120 bat lagun elkartu zirela nabarmendu dute, «udal euskaltegiko ikasleez gain, AEK euskaltegikoak, Institutukoak eta Lanbide Heziketakoak, eta baita herritar batzuk ere». Aurkezle lanetan Malores Etxeberria aritu zen. 

Amaitzeko, Udal Euskaltegiak eskerrak luzatu nahi izan ditu: «eskerrik asko Mintzodromoan parte hartu duzuen guztioi. 2024an berriro bertan elkartuko garelakoan, segi dezagun euskeraz!».

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!