Andoni Mujika 'Anatx' Hernaniko Bertso Eskolako bertsolariak XVII. Xenpelar sariko bigarren kanporaketan abestu zuen pasa den ostiralean. Seigarren postuan amaitu zuen saioa eta hortaz ez da abenduaren 8an Niessen aretoan jokatuko den finalean izango.
Osatutako lan guztietatik, ganbarako ariketan bota zituen bertso borobilenak Anatxek. 'Bihar da egun haundia, sekula baino hobea izatea espero duzu' gaiari erantzun behar zioten bertsolariek, eta harrijasotzeari buruzko bertsoaldi ederra eskaini zuen.
Azkenean, honela geratu zen sailkapena: Garazi Navarro (236), Emaitz Murua (235,5), Haira Aizpurua (233,5), Ekain Alegre (229), Libe Goenaga (228,5) eta Andoni Mujika 'Anatx' (224,5).