Asteburuan Donostiako Maratoia jokatu da Donostiako kaleetan zehar, eta bailarako hainbat eta hainbat maratoilarik hartu zuten parte. Hala ere, emaitzarik onenak 10 kilometroko lasterketan lortu ziren. Bertan, Sergio Romanek zortzigarren postuan amaitzea lortu zuen, 32 minutu eta 9 segunduko denborarekin. Gaizka Izagirrek hamargarren amaitu zuen, 32:29ko denborarekin.
Maratoian Aitor Urretabizkaiak 83garren bukatu zuen, 2 ordu, 42 minutu eta 13 segunduko denborarekin. Milaka lagunek hartu zuten parte, eta ia denek amaitu zituzten 42 kilometroak. Eguraldia lagun, giro ederrean osatu zuten ibilbidea korrikalariek.