Igandean Hernaniko neska seniorrek, 0-3ko garaipena lortu zuten Hondarribiaren aurka, etxetik kanpo. Hasieratik estutu zuen Hondarribiko taldeak, baina 19-25eko emaitzak partidua bideratuta utzi zuen. Ondorengo jokaldiak ere Hernaniren aldekoak izan ziren: 7-22 eta 13-25. Orokorrean, Hernaniko neskek erraz atera zuten partidua aurrera.
Jubeniletan ere, neskak fin ibili ziren asteburuan: batetik, Hernani 1 taldeak 3-0 irabazi zuen Ttantta Oarso taldearen aurka; eta Hernani 2 taldeak ere, 3-1ko garaipena lortu zuen, Vendetta taldea garaituta.
Kadetetan, ildo beretik jarraitu dute, izan ere, garaipenak lortu dituzte nesken bi taldeek: Hernani 1 taldeak 1-3 garaitu zuen Donostiako Bera Bera; eta Hernani 2 taldeak Izukaitz taldearen aurka irabazi zuen: 3-0.
Infantiletan, nesken Hernani 2 taldeak bakarrik jokatu zuen asteburuan, Ipar Titanak taldearen aurka, Donostian. Hernanik ezin izan zuen aurkaria garaitu eta 3-1eko porrota jaso zuen. Mutiletan, berriz, Zarautzen jokatu zuten, eta garaipenik gabe itzuli ziren etxera hernaniarrak (3-0). Mutil infantilek porrota jaso bazuten ere, partidu ona jokatu zuten