Garrantzi haundiko partidua jokatu zuen Hernanik larunbatean, Zarautzen aurka. Trikoloreen aurkari zuzenak ziren, baina Hernanik ezin izan zituen menpean hartu, eta beraz, porrota jaso zuen: 17-26.
Dagoeneko bigarren porrota jaso dute trikoloreek; aurrenekoa Gernikaren aurka, eta Zarautzen aurka, bigarrena. Larunbateko partidua, zarauztarren alde hasi zen (0-3) zigor kolpearekin, baina hamaikagarren minutuan, Hernanik 7 puntu lortu zituen Xabi Lukasen ensaioarekin eta Beñat Arizetaren jaurtiketarekin. Partidua aurrera joan ahala, Zarautzek bi ensaio egin zituen 25garren eta 29garren minutuetan, eta Hernaniren aurretik jarri zen (7-13); eta aurreneko zatiari amaiera eman zitzaion 7-20ko markagailuarekin.
Bigarren zatiari hasiera eman eta berehala, Zarautzen aldeko zigor kolpearen ostean, Hernanik, beste 7 puntu lortu zituen Jon Ander Zapiainen ensaioarekin eta Jokin Olearen jaurtiketarekin (14-23). Segidan, Hernaniren aldeko zigor kolpearekin, azken lau puntuak lortu zituen Hernanik (17-23). Partidua amaitzear zegoela, Zarautzen aldeko zigor kolpeak 14-26 jarri zuen markagailua.
Une honetan, Hernaniko Ohorezko B Mailako mutilak laugarren postuan doaz 25 punturekin, eta aurretik daude Zarautz hirugarren postuan 29 punturekin; Uni Bilbao bigarren 30 punturekin, eta lider doa Getxo, 30 punturekin, partidu bakarra galduta.