Udalak iragarri du, Mañe y Flaquer plaza berritzeko lanak direla eta, trafiko-antolakuntzan aldaketak izango direla bihartik aurrera. Hoditeriaren saneamendua eta irisgarritasun neurriak betetzen dituen zebra-bidea egiteko lanak hasiko dituzte bihartik, eta ondorioz, ezingo da Florida kaletik Mañe y Flaquer plazako aparkalekura sartu.
Lan hauek iraun bitartean, aparkalekuko sarrera-irteerak Montevideo kaletik egin beharko direla azaldu du Udalak: «eta aurreikusten dugu, hilabetez egongo dela itxita Florida kaleko sarrera».
Era berean, Florida kaletik sarrera duten aparkaleku pribatuetara sartzeko aukera izango dute «normaltasunez», nabarmendu du Hernaniko Udalak.