Hernaniko eskubaloi klubaren hazkundea nabaria izan da aurten eta boladari eutsi nahi diote mutil seniorrek eta jubenilek. Bigarren mailan hirugarren postuan daude sailkatuak, sei partidu irabazita eta bi galduta, eta aurreneko biak garaipen bakarrera daude. Gaur, 18:30etan, Legazpin jokatuko dute eta irabaziz gero gertu mantenduko da. Faborito dira hernaniarrak.
Jubenilak Bidasoa liderraren aurka jokatuko dute bihar
Jubenilen denboraldia ikusgarria da, bigarren postuan daude Gipuzkoako ligan eta bihar Bidasoa liderraren aurka jokatuko dute, 11:30etan, Hernaniko kiroldegian. Irabaziz gero lider jarriko dira.