“Nazio, herrialde nahiz herri bateko lurraldea eta herritarrak gobernatzeko ahalmena, eskumena eta eskubidea da”. Hori dio burujabetzaz euskarazko wikipediak. Zer bai, baina, nola? Hernanin, aspalditxo hasiak gara Hernani Burujabe proposamen ekonomiko, sozial eta politikoaren baitan antolatzen, hausnartzen, frogatzen eta, azken batean, ekiten.
Honen harira, aurten Burujabetuz ekimena jarri dugu martxan. Lanaren burujabetzaz sakondu ahal izateko ikastaro xumea da, 10 saioz osatua. Bertan, proiektu ekonomiko propio zein komunitarioak garatzeko tresnak elkarbanatzen dira saio teoriko-praktikoen bueltan: ekonomia sozial eta eraldatzailea (ESE), kooperatibismoaren marko ekonomiko-politikoa, ekonomia- eta komunikazio-plana, edo sortzen diren egitura horiek ekonomikoki, baina batez ere, bizigarritasunaren ikuspegitik jasangarriak izatearen inguruko saioak, besteak beste.
Xumetik hasi gara, baina tinko. Iturolatarrok gure aletxoa jarri nahi dugulako burujabetzen herriaren alde, lan baldintza duinak ahalbidetzen dituzten egitura ekonomikoak sortzea gu guztion bizitzak erdigunera ekartzeko era bat gehiago baita.
Burujabetuz – Ekintzailetza Zerbitzua
www.burujabe.hernani.eus
Hernaniko Elkarlan Sorgunea
Florida Auzoa,28 - 20120 Hernani
Talleres Mitxelenak babestutako atala
Eziago Poligonoa, 21
Zikuñaga Auzoa, Hernani
www.talleresmitxelena.eus