Gabonak gerturatzearekin batera, CDHko kideek martxan jarri dute egitarau berezia. Dagoeneko zabalik dago Gabonetako Kanpusean izena emateko epea, 2012-2015 urteen artean jaiotako haurrentzat.
Aurten ere bi txanda antolatu dituzte; lehenengoa abenduaren 26tik 29ra izango da, eta bigarrena urtarrilaren 2tik 5era. 10:00etatik 13:00etara iraungo dute jarduerek, eta askotariko ekintzekin uztartuko dute futbola.
Izena emateko 619 31 04 53 telefono zenbakira edo hfutboleskola@gmail.com helbide elektronikora idatzi behar da, eta inskripzioa egitean 60 euro ordaindu behar dira.