Euskararen Nazioarteko Egunaren bezperan, abenduaren 2an, bertso bazkaria izango da Elur Txori elkartean. Burrunba taldearen eskutik, Aitor Mendiluze eta Nerea Elustondo entzun nahi dituen pertsona orok salgai ditu dagoeneko bazkariko tiketak Zintzarri tabernan, 25 euroan. Menu beganoa hautatzeko aukera ere izango da, baina aurretik idatzi behar da @burrunba_hget Instagram kontura.
Bazkariaren aurretik eta gero ere hainbat ekintza egongo dira: aurretik, 13:00etan, triki-poteoa antolatu da Tilosetan eta, ostean, 19:00etan DJ Anonimous bikotea arituko da Ekosen euskal musika jartzen.
Helburua da euskaraz gozatzea eta Hernaniko gazte euskaldunak batzea. Bigarren aldia da bertso bazkaria antolatzen dena Euskararen Egunaren bezperan. Aurreko urtean arrakasta handia izan zuen planak, 90 gazte bildu ziren guztira.