'Zaintza eskubide kolektiboaren alde' izenburupean, mahai ingurua egingo dute bihar, goizeko 11:00etan, Kulturarteko Plaza Feministan. Bost hizlari arituko dira bertan, zaintzari buruzko bizipenak eta esperientziak elkarbanatzen: Nora Alejos Azkona, Txemi Apaolaza Beraza, Bere Nuñez, Ione Urruzola Ansa eta Marta Luxan Serrano. Mahai ingurua euskeraz izango da, baina itzulpen zerbitzua eskainiko dute bertan. Horrez gain, haurrentzat zaintza zerbitzua ere izango da.
Mahai ingurua amaitzean, 12:30ak aldera, manifestazioa egingo dute Kulturarteko Plaza Feministatik hasita, Emakumeen Kontrako Indarkeriaren eguna dela eta.