Asteburu ona izan da Hernaniko Eskubaloi Elkarteko taldeentzat. Senior mailako neskek hasi bezain ondo jarraitzen dute, eta nagusitasunez irabazi zuten Villabonan. Aiztondo NKT taldearen aurka 0-3 emaitza lortu zuen Hernanik, eta beste behin erakutsi dute maila goreneko taldea dela. Bost jardunalditan bost garaipen eskuratu ditu Hernanik, eta Harresi 2 taldearen kontra jokatuko dute hurrengo jardunaldia.
Jubenil mailan garaipen garrantzitsua lortu zuen gizonezkoen taldeak. Ipar Titanak taldearen aurka 2-3 irabaztea lortu zuten partidu gogor batean. Emakumezkoen taldeei dagokienez, Hernani 1 taldeak erraz irabazi zuen Vendeta taldearen kontra, 0-3 emaitzarekin aukerarik gabe utzi zituzten donostiarrak. Hernani 2 taldeak, aldiz, Harresi 1 taldearen aurka galdu zuen etxetik kanpo, 3-0 emaitzarekin.