Hernaniko Txantxangorri elkarteak antolatuta, igande honetan jokatuko dute XIII. arrantza txapelketa soziala Hondarribiako kaian. Goizeko 07:00etan hasiko dute txapelketa, eta 11:00ak arte luzatuko da.
Izena emateko epea zabalik dago jada, eta bihar izango da apuntatzeko azken eguna. 18 urtetik gorako pertsonek hartu dezakete parte txapelketan, eta Txantxangorriko bazkidea izan ezean, hernaniarra eta federatua izan behar da. Horrez gain, elkarteko iragarki taulan irakurgai daude bete beharreko baldintza teknikoak.
Postuen zozketa egunean bertan egingo dute, goizeko 06:20etan. Sari banaketa, aldiz, eguerdian izango da.