Legegintzaldi honetarako prestatutako Gobernu Plana aurkeztuko du ostegun honetan Hernaniko Udaleko Gobernu Taldeak. Iragarri dutenez, «Hernani hobetzen jarraitzeko 135 proposamen zehatz» aurkeztuko dituzte bertaratzen diren herritarren aurrean.
2023-2027 legegintzaldiko Gobernu Plana izango da aurkeztuko dutena. Arratsaldeko 18:30etan hasiko da saioa Udaletxeko areto nagusian, eta Gobernu Taldeak herritar guztiei luzatu die bertaratzeko gonbidapena, «datozen lau urteetarako proposamenak lehen eskutik ezagutu ditzaten».