Hernaniko Udal Euskaltegiak antolatuta, Mintzodromoaren zortzigarren edizioa izango da azaroaren 29an. Aurtengo berritasuna jardueraren kokalekua da; izan ere, Milagrosa eraikinean jarri dute hitzordua, goizeko 10:00etan. Bertan euskeraz hitz egiteko aukera izango dute herritarrek.
Mintzodromoaren helburuak argi adierazi dituzte Udal Euskaltegiko kideek: euskera ikasten ari direnak euskeraz hitz egitera animatzea; euskeraz jakin arren, euskeraz aritzeko aukera gutxi duenari aukera horiek ematea; euskalduna izan arren, ohituraz euskera gutxi egiten duenari motibazioa areagotzea; eta elkarrekin euskeraz aritzea.
Parte hartu nahi dutenek izena eman beharko dute aurretik, azaroaren 13tik 24ra izango da horretarako epea. Apuntatzeko 943 33 18 96 telefonora deitu (09:30etatik 14:00etara) edo euskaltegi@hernani.eus helbidera idatzi behar da.