Langile ikastolako bosgarren mailako ikasleek Kronikako bulegoa bisitatu zuten pasa den urriaren 31n. Guztira 60 bat ikasle inguru gerturatu ziren, txandaka, lau taldetan banatuta irakasleekin batera. Kronikara bertaratu ziren, langileak eta bertako lana ezagutzera. Aurrena Kronikaren sorrera noiz eta nolakoa izan zen ezagutu zuten, eta jarraian, kazetarien lana gertutik ezagutzeko tartea ere eskaini zitzaien. Bisita amaitzeko, Kronika egunero nola inprimatzen den erakutsi zitzaien ikasleei, eta orokorrean sekulako interesa adierazi zuten galdera sorta ederra eginez.
