Emanaldi berezia, kontzertu solidarioa, izango da larunbat honetan, San Joan Bataiatzailearen parrokian, arratsaldeko 20:00etan hasita. Aba Taano taldeak eskainiko du, Ugandako bost gaztek osatzen dutena. Eta hain justu, Música para salvar vidas Gobernuz Kanpoko Erakundeari laguntzeko izango da: Ugandako umezurtzei musika eta dantzaren bitartez hazi eta ikasten laguntzen dien GKE bat, beraien herrialdean etorkizuna izan dezaten.
Proiektu honetarako eratu zen Aba Taano boskotea. Sentimendu guztiarekin abesten dute eta beraien ahotsek ez dute inor hunkitu gabe uzten. Euren estiloak gospel etnikoaren eta pop-a kantatzeko osagaiak barneratzen ditu. 30.000 CD baino gehiago saldu dituzte eta 1.500 kontzertu emanaldi baino gehiago eskaini dituzte Europako 14 herrialdetan.