Maila altuan jokatzen ari dira Hernaniko Boleibol Elkarteko neska seniorrak. Gipuzkoako Txapelketara egokituta, lehenengo bi jardunaldiak irabazita hasi dute liga, eta hirugarren garaipenaren bila joango dira gaur Tolosara.
Tolobolei B taldearen aurka jokatuko dute hirugarren jardunaldiko partidua. Tolosarrak sailkapeneko bosgarren postuan daude, garaipen batekin eta porrot batekin. Aurreikuspenen arabera, hernaniarrak izango dira garaipena lortzeko faboritoak arratsaldeko 15:30etan hasiko den norgehiagokan.
Jubeniletan, etxean jokatuko du emakumezkoen Hernani 2 taldeak, Ostadarren kontra. Aldiz, kanpoan lehiatzea egokitu zaie emakumezkoen Hernani 1 taldeari eta gizonezkoen taldeari.
Horiez gain, hiru partidu gehiago jokatuko dira Hernaniko kiroldegiko pistan eta eguerdiko 12:00etan jokatuko dira guztiak; Asunción Izukaitzen aurka jokatuko dute neska kadeteek, Aldapeta Maríaren kontra neska infantilek eta hernaniarren arteko derbia jokatuko dute mutil infantilek.