Etxetik kanpo jokatuko du gaur Hernaniko senior taldeak. Emaitza onak lortzen ari dira lehenengo jardunaldietan, 5 partidutan 4 garaipen eskuratu dituzte, eta joko onari jarraipena eman nahi diote jokalariek.
Donibaneren kontra jokatuko du Hernanik gaur, 16:00etatik aurrera, Pasaiako kiroldegian. Pasaitarrak nahiko gertu dituzte sailkapenean, baina dexente kostatzen ari zaie garaipenak pilatzea. Etxean jokatutako azken bi partiduak galdu egin dituzte.
Larri dabiltza jubenilak
Jubenil mailan egoera txarrean daude Hernaniko eta Mundarroko taldeak. Hernanik 6 jardunalditan 5 porrot jaso ditu, eta emaitza antzekoak lortu dituen Ereintzaren aurka jokatuko du bihar. Mundarrok, berriz, sei partidutan 3 garaipen eta 3 porrot jaso ditu, eta etxean jokatuko du gaur Zuri Zuri taldearen kontra.