Musikarientzat hilabete berezia izaten da azaroa. Begi bistan dute Santa Zezilia eguna, eta egun horretako kontzertuak eta emanaldiak prestatzen aritzen dira. Aurtengo azaroan ere musikariek ezaugarrituko dute Hernaniko kultur agenda, belarri eta gustu guztiak asetzeko moduko eskaintzarekin.
Musikarien eguna asteazkenean egokitu denez, hilaren 22an, emanaldiak egun batzuk lehenago edo beranduago egitea erabaki dute herriko musikagileek. Azaroaren 18an Hernaniko Musika Bandak eta Gazte Bandak batera eskainiko dute kontzertua, udaletxeko arkupeetan. Hiru egun ondoren, 21ean, Hernaniko Musika Eskola Publikoko ikasleen txanda izango da, kasu honetan Biterin eskainiko dute saioa. Hernaniko Txistulariek ere prestatu dute emanaldia Santa Zezilia ospatzeko, eta Elena Setien kantariarekin batera oholtzaratuko dira, azaroaren 24an, Biteriko areto nagusian. Azkenik, larunbat eguerdia hautatu dute Kantuz abesbatzako kideek, azaroaren 25ean izango baita haien kontzertua, San Joan Batailatzailearen elizan.
Gainera, Santa Zeziliaren bueltako kontzertuak ez dira musikarekin lotutako jarduera bakarrak izango. Esaterako, azaroaren 23an Musikalean dinamikari jarraipena emango diote 'Hernani' Musika Eskolako ikasleek, Kaxkoko kaleetan barrena.
Antzerkiaz eta literaturaz
gozatzeko aukera izango da
Azaroan ere tarte haundia izango dute antzerkiak eta literaturak. Datorren larunbatean, azaroaren 11n, 'Anedereño' haur antzerkia eskainiko du Anita Maravillas taldeak. Gainera, antzerki zikloaren barruan, bi saio egingo dituzte azaroan; 28an 'Kanpora sartzen' ikuskizuna izango da eta 29an 'Yerma, la dramatica errante'.
Literatur solasaldiak, berriz, azaroaren 14an izango dira. Euskerazko saioan Pako Aristi idazlearen 'Auto-Stopeko ipuinak' lana izango dute hizpide, Ane Mayozek gidatuta; eta gaztelerazko solasaldian Audur Ava Olafsdóttir idazlearen 'Rosa Candida' liburua, Slawka Grabowskak gidatuta.
Gaztelekua, martxan
Gaztelekuko kideek bost jarduera sartu dituzte azaroko kultur agendan. Bihar izango da lehenengo ekintza, eta tote bag poltsak egiten arituko dira arratsaldeko 17:30etatik aurrera. Datozen asteetan sukaldaritza tailerra, arku tiro txapelketa, altxorraren bila eta marrazki lehiaketako sari banaketa egingo dituzte.
Greba egunean ekitaldirik ez
Azaroaren 30eko greba feminista dela eta, egun horretan Hernanin ez da jarduera kulturalik izango.
|
AZAROKO KULTUR AGENDA HERNANI AZAROAK 4-11 10:30-13:30 Oparien erruleta. udaletxeko arkupeetan. AZAROAK 6-10 Mendizaleen astean, Mendiriz Mendi elkarteak antolatuta. Biterin. AZAROAK 11 12:00 'Andereño' haur antzerkia. Biterin. Anita Maravillas taldearen eskutik. AZAROAK 11 Kalez kale kantari+Erromeria. Ohiko leku eta orduetan. AZAROAK 12 09:00 Etxolaberriko meategi gunera bisita gidatua. Felix Ugarte elkartearen eskutik. Elkartzeko lekua: Ugaldetxoko pilotalekuan. AZAROAK 14 18:00 Ipuin aurkezpena: 'Azken galdera amari'. Egilea: Manex Begiristain. Biterin. AZAROAK 16 19:00 Hernani Zinekluba. Gelditasuna ekaitzean (2022). Biterin. AZAROAK 17-18 11:00-14:30/17:00-20:00 II. Hernanikomik azoka. AZAROAK 18 18:00 eta 19:00 Santa Zezilia kontzertua. Hernaniko Musika Banda eta Gazte Banda. Udaletxeko arkupeetan. AZAROAK 18 12:00 Goiz Eguzki abesbatza. Kale buelta Kaxkoan barrena. Plaza Berritik abiatuta. AZAROAK 21 18:30 Emakumeen euskal literatura mintegia: Zomorrotu. Egilea: Aintzane Usandizaga. Gidaria: Alaine Agirre. Udal liburutegian. AZAROAK 21 18:30 Santa Zezilia kontzertua. Hernaniko Musika Eskola Publikoko ikasleak. Biterin. AZAROAK 22 17:30 (3-5 urte) / 18:15 (+6 urte) Ipuin kontaketa. Kontalaria: Apaxi. Edukiera mugatua. Biterin. Gonbidapenak Liburutegian. AZAROAK 23 19:30 Kontzertua: Maria Berasarte & Pep Rivero. Biterin. AZAROAK 23 18:00 Musikalean. Hernani Musika Eskola Publikoko ikasleak. Kaleetan barrena. AZAROAK 24 19:00 Santa Zezilia kontzertua: Ur bi kontzertua. Parte hartzaileak: Hernaniko Txistulariak, Elena Setien kantaria eta gonbidatuak. Biterin. AZAROAK 25 12:45 Santa Zezilia kontzertua. Kantuz abesbatzaren eskutik, San Joan Bataiatzailearen elizan. AZAROAK 28 19:30 Antzerki zikloa. Kanpora sartzen. Txalo produkzioak. AZAROAK 29 19:30 Antzerki zikloa 'Yerma, La dramatica errante'. AZAROAK 30 Ez dago emanaldirik, Greba Feminista dela eta. ABENDUAK 1 19:30 Antzerki zikloa: Toto, Hika teatroa.
LITERATUR SOLASALDIAK AZAROAK 14 19:00 Auto-Stopeko ipuinak. Pako Aristi. Gidaria: Ane Mayoz. Udal Liburutegian. 19:00 Rosa Candida. Audur Ava Olafsdóttir. Gidaria: Slawka Grabowska. Udal Liburutegian.
AZAROAREN 16TIK 30ERA Hernanikomik, Juan Luis Landaren ibilbidea eta Orreaga Komikietan. Antolatzailea: Liburutegi saila. GAZTELEKUA BIHAR 17:30 Tie Dye tote bag AZAROAK 11 17:30 Sukaldaritza. Gazta tarta AZAROAK 16 17:30 Arku-tiro txapelketa AZAROAK 26 Altxorraren bila AZAROAK 29 Marrazki lehiaketa, sari banaketa. Hilabete guztian marrazkiak egin eta ekartzeko aukera. |