Portu bidean, Lizeaga kalearen azpian eta Leoka gainean dauden arkupeetan, jendea egon da bizitzen azken urtean. Lau arkupe dira lotarako eta bizitzeko erabiltzen zituztenak, eta orain bi bakarrik geratzen dira okupatuta. Beste biak, hustu eta garbitu egin dituzte azken egunetan. Atzo hustu zuten bigarren arkupea, eta aurrerago, beste biek ere bide berdina hartuko dute. Horretarako, Udaleko Gizarte Zerbitzuek irtenbidea aurkitu diete hustutako arkupeetan bizi zirenei, eta lanean ari dira, beste bietan bizi direnei ere laguntza emateko.