Palan zortzi partidu jokatu dituzte asteburuan bailarako palistek eta denetatik izan da. Lau garaipen eta lau porrot izan dira eta horietatik nabarmentzekoak dira nesken nagusien mailan Irazustabarrena-Kerejeta eta Galdos-Otxoak lortutakoak. 30-24 irabazi zuten Galdos eta Otxoak, eta hirugarren talde hernaniarra, Eizmendi eta Maciciorrek osatutakoa, garaitu zuten. Hernaniko hiru taldeak hiru lehenengo postuetan daude eta Artaun da laugarrena. Partidu bakarra geratzen da lehenengo fasea amaitzeko.