Festa ilunak hartuko du gaurkoan, Lizeaga auzoa. Izan ere, urriaren 31n ospatu ohi da Gau Beltza, baina Gibelalde Auzo Elkarteak gaur ospatuko du. Arratsaldeko 16:00etan hasiko dira ekintzak, Urumea Ikastolako patioan. Aurrena, aurpegiak margotuko dituzte, jarraian txokolateaz gozatzeko aukera izango dute auzotarrek eta photocallean argazki beldurgarriak ateratzeko tartea ere izango dute arratsaldeko 17:00etatik aurrera. Mozorroen lehiaketa arratsaldeko 17:30etan hasiko dute, eta 18:00etatik aurrera, izuaren ibilbidean murgilduko dira. Gaueko 20:30ak arte iraungo du jarduerak, eta ekintza amaitutakoan emango diote bukaera Lizeagako Gau Beltzari.
Gibelalde Auzo Elkarteak herritarrak gaurko antolatutako Gau Beltzera bertaratzeko gonbidatu ditu: «zain izango gaituzue, etorri eta animatu!»