Hernaniko Sagarreta Natur Taldeak hazi bilketa antolatu du larunbaterako. Zazpi kilometro inguruko goiz pasa egingo dute, eta helburu nagusia da Haritz kandugabarearen (Qercus Petraea) haziak topatzea, Merkue mendiko Ortzaika basoan. Eta antolatzaileek diote beste zuhaitzen haziak ere bilduko dituztela, hala nola, gaztainondoa, lizarra, urkia... Sagarreta Natur Taldeak bertako zuhaitzen mintegi bat sortuko du bildutako hazi guztiekin.
Irteerarako hitzordua jarri dute, goizeko 09:30etan, Ugaldetxon. Ez da aurrez izena eman behar, Ugaldetxora kotxez joango dira parte hartzaileak. Sagarretak azaldu du norbaitek kotxez eramatea behar izanez gero, ingo@sagarreta.eus helbidera idazteko.