Jexux Mari Irazu gailendu zen pasa den ostiralean Pello Errota Sariketaren hirugarren edizioan, Eñaut Martikorena hernaniarraren aurretik. Azpitxapeldun izateaz gain, Martikorenak, Mikaela Elizegi bertso onenaren saria irabaztea lortu zuen. Asteasuko Iturri Ondo jatetxean jokatu zen finala.
Bertan aritu ziren Eñaut Martikorena hernaniarra, Jexux Mari Irazu, Unai Mendizabal eta Iñaki Gurrutxaga. Afalosteko saioa izan zen, eta ariketa biziak osatu behar izan zituzten finalera sailkatu ziren lau bertsolariek.
Giro bikainean jardun ziren bertsotan eta Irazu larrauldarra, Hernaniko Bertso Eskolako kidea eta Kronikako kazetari izandakoa urte askotan izan zen onena. Hernaniko Bertso Eskolarentzat ezin hobeto joan zen gaua, Martikorenaren bigarren postu eta bertso onenaren sariarekin. Bi urtetik behin jokatzen da Pello Errota Sariketa eta aurtengoa hirugarren edizioa izan da.