Atzo amaitu ziren Hernani Burujabek eta Udalbiltzak antolatutako 'Burujabetzak' jardunaldiak, eta gaur borobilduko dute hiru eguneko egitaraua Burujabetzen Egunarekin.
Goizeko 11:30etan hasiko da kalejira kulturala. Hernaniko erdiguneko txokoetan postuak jarriko dituzte, Hernani Burujabek garatutako proiektuak eta egitasmoak azaltzeko. Azalpenez gain, herriko kulturgileek ikuskizun txikiak eskainiko dituzte postu bakoitzean. Kalejiran honako kulturgileak arituko dira: Miren Gojenola, Uxue Bereziartua, Uxue Apaolaza, txalapartariak eta albokariak, Andoni Tolosa 'Morau', Ttarla dantza taldea, Andoni Rekondo, Eli Pagola, Porrotx eta Zapotxin.
Kalejira amaitutakoan, Herri Bazkari girotua egingo dute Hernaniko Udaletxeko arkupeetan. Bapo bazkaldu ondoren, Karena taldeak girotuko du bazkalostea.
Jardunaldiak arrakastatsuak izan dira
'Burujabetzak' jardunaldiak egin dituzte egun hauetan Hernanin. Parte hartze haundia izan dute antolatutako saioek, eta burujabetzarekin lotutako gai ugari lantzeko aukera izan dute bertan.
11:30-13:30 Kalejira kulturala: 14:30 Herri Bazkari girotua: |