Irailaren 18ko Kronikan argitaratu zen zabalik dagoela arte sorkuntzarako dirulaguntzak eskatzeko epea, baina oraingoz itxita jarraitzen du. Izan ere, Gipuzkoako Aldizkari Ofizialeko argitalpenak akats bat zuen, eta akats hori zuzendu arte atzeratu dute eskaerak egiteko epea. Hernaniko Udaletik zehaztu dute aurtengo deialdian arte plastikoko sorkuntzek jaso ahal izango dituztela laguntzak. Datozen egunetan jakinaraziko dute noiztik aurrera egin daitezkeen eskaerak.