Ekitaldi berezia prestatu du Hernaniko Udalak, urriaren 17rako: harrera egingo die azkeneko hilabeteetan Hernanira bizitzera etorri diren bizilagunei. Udaletxean egingo dute ongietorri saioa, arratsaldeko 17:00etan hasita, areto nagusian.
Aurrez aurreko harrera horrekin, herrira bizitzera etorritakoei ongietorria emateaz gain, izan ditzaketen zalantzak argitu nahi ditu Udalak, eta era berean, herriaren bizitzan partehartze aktiboa izatera gonbitatu.
Azkeneko urteetan burututako prozesuan, etorri berriei harrera modu egokian nola egin landu du Hernaniko Udalak, Kulturartekotasun Sailetik; eta osatutako harrera planaren parte da astearteko ekitaldia.