Hileko bigarren asteburu heldu da, eta ohi moduan, San Joan Konpartsak ez du hutsik egingo, eta erromeria antolatu du gaurko. Jeiki Hadi taldeak girotuko du erromeria, arratsaldeko 18:00etan hasita, eta eguraldiaren menpe izango da kokalekua. Eguraldi ona eginez gero, Plaza Berrin egingo dute erromeria, euria eginez gero, berriz, Atsegindegin izango da, aterpe azpian dantzatu ahal izateko. Bi kasutean, arratsaldeko 18:00etan hasiko dira.
San Joan Konpartsak herritarrei bertaratzeko deia luzatu die: «etorri erromeriara, jai giroa eta dantza izango dira nagusi eta!».