aur arratsaldean, 16:00etatik aurrera, Elgoibarren jokatuko du Hernaniko 2. mailako senior taldeak. Denboraldia ziurtasun dexenterekin hasi du Hernanik, eta lehenengo bi partiduetan erakutsi du edozein talderen aurka lehiatzeko pronto dagoela. Lehenengo garaipena nagusitasun haundiz eskuratu zuten, Eibarri 29-76 irabazita. Aurreko asteburuan, berriz, gutxigatik galdu zuten Zarautzen aurka; 51-55.
Aurrekari horiek ikusita, gaurkoa partidu estua izango dela aurreikusi daiteke. Elgoibarko Modelos Modelberri taldea Hernaniren balantze berarekin hasi da; garaipen batekin eta porrot batekin, alegia. Hala ere, bi partiduetako emaitzak nahiko estuak izan dira, eta horretan behintzat ez da aldaketa haundirik espero.
Asteburu honetan jokatuko diren gainontzeko partiduei dagokienez, Mundarroko infantilak gaur arituko dira Ereintzaren aurka, etxetik kanpo, 09:00etatik aurrera. Bihar, aldiz, Hernaniko infantilen txanda izango da; etxean jokatuko dute, 12:00etan, Take Gorriren kontra.