Ohiko eguna aldatu ez duena erromeria izan da. Oraingoan ere hileko bigarren larunbatean izango da, urriaren 14an, San Joan Konpartsak antolatuta, Jeiki Hadi taldearen eskutik. Arratsaldeko 18:00etan hasiko da dantza saioa taldeak gidatuta, eta eguraldiaren menpe egongo da kokalekua. Eguraldi ona egiten badu, Plaza Berrin egingo dute; euria egiten badu, berriz, Atsegindegin izango da erromeria, aterpean dantza egin ahal izateko.