Gaur jokatuko du Hernanik, Ohorezko B Mailako bigarren partidua. Asturiasen ariko da, Real Oviedoren kontra: eguerdiko 12:00etan hasita, Oviedoko El Naranco zelaian. Trikoloreek bikain ekin diote denboraldiari, aurreko asteburuan Getxo menderatuta; eta hasiera onari segida eman nahi diote gaur, beste garaipen batekin. Taldearekin bidaiatu ez duten zaleek, internet bidez izango dute partidua ikusteko aukera, Vinx TV kateak zuzenean eskainiko baitu bere YouTubeko kanalean. Helbide honetan aurkitu daiteke: labur.eus/vw82h.