Gaur emango zaie hasiera Zelabide Auzoko Jaiei, eta bi egunez izango dira ekintzak, goizetik hasi eta gauera bitarte. Gaur arratsaldeko 18:00etan botako dute txupina, eta kolorez beteko dute auzoa herriko txikiek, Holi Festekin. Jarraian, Sabelak dantzan jarriko dituzte, eta musikak jarraipena izango du, Jaixkipe txarangarekin. 19:30etan, sardinak dastatzeko aukera izango dute auzotarrek, Gabriel Zelaia plazan, eta 20:30etatik aurrera, umeentzako dantzaldia eskainiko du Oihan Vegak, hau ere Gabriel Zelaia plazan. 20:30etarako, berriz, hitzordua jarri dute denek elkarrekin afaltzeko txosnan, eta gauean festa giroak jarraipena izango du, adin guztientzat prestatutako dantzaldiarekin eta zezen suzkoarekin.
Bihar goizetik esnatuko dira auzotarrak dianarekin, eta segidan, haurrek oztopo probetan parte hartzeko aukera izango dute, Denontzaten eskutik. Sokatira herrikoia ere egingo dute, goizeko 11:00etan hasita, Eper taberna ondoko plazan. Tortilla patata lehiaketa, aldiz, 12:00etan hasiko da, baina parte hartzaileek goizeko 11:30ak baino lehenago aurkeztu beharko dituzte tortillak, txosnan. Helduak tortilla lehiaketan eta sagardo dastaketan murgilduta dauden bitartean, auzoko txikiak apar festan gozatzeko tartea izango dute. Eguerdiko 14:00ak aldera elkartuko dira denak bazkaltzeko, eta bazkal ostean, Museko finalak jokatuko dira.
Arratsaldeko lehen orduetan etxeko txikiek puzgarrietan zilipurdika ibiltzeko aukera izango dute, eta helduek, aldiz, toka txapelketan parte hartzeko aukera izango dute. Eta ekintza gehiago izango dira arratsaldean zehar, hala nola, giza futbolina, txokolatada, jaien aldeko bingoa, umeentzako dantzaldia, afaria....
Gauean zezen suzkoan argituko du auzoa, eta helduen gozamenerako, DJ Pakok musika jarriko du, ordu txikiak arte, jaiei amaiera emanez.
Iganderako, auzoa garbitzeko hitzordua jarri dute Zelabideko auzo elkarteak, eta auzotarrei bertaratzeko deia luzatu diete: «festak amaituta, geroz eta auzotar gehiago animatu garbitzera, azkarrago amaituko dugu! Animatu!».
|
ZELABIDE AUZOKO JAIAK HERNANI GAUR 18:00 Txupinazoa + Holi Fest. Gabriel Zelaia plazan 18:15 Sabel-dantza. Gabriel Zelaia plazan 18:30 Jaixkipe txaranga 19:30 Sardina dastaketa, Gabriel Zelaian 20:30 Umeen dantzaldia DJ Oihan Vegarekin, Gabriel Zelaia plazan. 20:30 Denok afaltzera txosnan 23:30-02:00 Denontzako dantzaldia (DJ Oihan Vega) 23:30 Zezen Suzkoa BIHAR 10:00 Diana 10:30 Denontzat. Haurrentzako oztopo, Atletismo pistan 11:00 Sokatira herrikoia, Eper tabernako plazan 12:00 Sagardo dastaketa, Gabriel Zelaian 12:00 Apar Festa, Bidebietako plazan 12:00 Sagardo dastaketa, Gabriel Zelaia parkean 14:00 Paella herrikoia 15:00 Mus finalak, Gabriel Zelaian 16:00 Gaztelu puzgarriak, Bidebieta Plazan 16:00 Toka Txapelketa, Eper tabernako plazan 17:00 Giza futbolina, Bidebietako futbol zelaian 17:30 Txokolatada, Sagastialde elkartea 18:00 Jaien aldeko bingoa 20:00-22:00 Umeentzako dantzaldia (DJ Pako) 20:20 Denok afaltzera, txosnan 23:30 Zezen suzkoa 23:00-02:00 Helduentzako dantzaldia (DJ Pako) 02:00 Jaien amaiera ETZI |