FLO7 eremuko urbanizazio lanak direla eta, ur-mozketa izango da gaur goizean, Floridako eta Mañe i Flaquerreko hainbat etxebizitza eta industriagunetan. 09:00etatik 12:00etara izango da, aurreikusi dutenez, eta honakoei eragingo die: Floridako 1, 3, 5, 7, 11 13, 23, 25, 27, 29, 31, 33 eta 35 atariei; eta Mañe i Flaquerreko 1, 2, 3, 4, 5 eta 6 atariei. Eraikitzen ari diren etxebizitzak eta kale berria urez hornitu eta udal sarea hobetuko dute lan horiekin, «Florida eta Montebideo kaleetako hoditeriak lotzean, eraztun berria sortuko delako», Udalak azaldu duenez: «Lotura horrek, etorkizunean, aukera emango du ur-zerbitzuko matxura edo mozketen eragina gutxitzeko eta malgutasun haundiagoa izateko».