Pasa den ostiralean jokatu zuten Ikaztegietan Pello Errota bertso sariketako bigarren kanporaketa. Bertan aritu zen Eñaut Martikorena hernaniarra, eta finalerako txartela eskuratu zuen, saio polita osatuta. Martikorenarekin batera, Hernaniko Bertso Eskolako beste kide bat sailkatu zen finalera, Jexux Mari Irazu larrauldarra. Kantuan aritu ziren Maddi Ane Txoperena, Maialen Akizu, Eki Mateorena eta June Aiestaran ere.
Urriaren 20an izango da sariketako finala, Asteasuko Iturri Ondo jatetxean. Gai-jartzailea Oibar Olano izango da, eta lau bertsolari arituko dira kantuan: Eñaut Martikorena, Jexux Mari Irazu, Unai Mendizabal eta Iñaki Gurrutxaga. Sarrerak salgai daude dagoeneko, Iturri Ondo jatetxean, 25 euroren truke.